"Заң мен тәртіп" идеологемасын іске асыру шеңберіндегі Онлайн-кеңес
Дата публикации: 03.02.2026
"Заң мен тәртіп" идеологемасын, сондай-ақ мемлекеттік қызмет істері агенттігі, ҚР Ғылым және жоғары білім министрлігі, Білім Министрлігі және академиялық адалдық лигасы арасында қол қойылған Жол картасын іске асыру шеңберінде 2026 жылғы 3 ақпанда ҚР жоғары оқу орындарының проректорларымен және компланс-офицерлерімен онлайн-кеңес өтті.
Кеңес ҚР ҰӘҚ жоғары және жоғары оқу орнынан кейінгі білім комитеті төрағасының орынбасары Ақерке Абылайханның төрағалығымен өтіп, "Заң мен тәртіп" идеологемасын іске асыру және университеттердің академиялық адалдық лигасына кіру мүмкіндіктеріне арналды.
Кездесу барысында Лиганың жобалық кеңсесінің басшысы Нұргүл Нұрлан Академиялық адалдық лигасына кіру университеттер үшін халықаралық қағидаттарға негізделген академиялық адалдықтың бірыңғай институционалдық стандартына, сондай-ақ сараптамалық сүйемелдеуге, мониторингке және академиялық адалдық жүйесін дамытудың практикалық-бағдарланған құралдарына қолжетімділікті ашатынын атап өтті. Лигаға қатысу жоғары оқу орындарына академиялық адалдықтың алдын алудың тұрақты моделін құруға, басқару процестерін күшейтуге, ашықтықты арттыруға және студенттер, оқытушылар мен қызметкерлер арасында адалдық мәдениетін қалыптастыруға мүмкіндік береді.
Академиялық адалдық Лигасы стандарттарға сәйкестікті бағалау алаңы ретінде ғана емес, сонымен қатар институционалдық өзгерістер жолында ең жақсы тәжірибелермен алмасуды, кадрларды оқытуды және университеттерді қолдауды қамтамасыз ететін кәсіби қауымдастық ретінде әрекет ететініне ерекше назар аударылды.
Өткізілген кеңес мемлекеттік органдар мен академиялық қоғамдастықтың Қазақстан Республикасының Жоғары білім беру жүйесінде заңдылық, жауапкершілік және академиялық адалдық мәдениетін дамыту жөніндегі күш-жігерін шоғырландырудағы маңызды қадам болды.
Бөлісу:
