Академиялық адалдық лигасы (Лига) бес жыл бұрын жоғары оқу орындарында академиялық адалдық пен этика қағидаттарын насихаттау мақсатында құрылды. Осы уақыт ішінде Лига 18 жоғары оқу орнын біріктіріп, тәжірибе алмасатын, нетворкингті дамытып, бірлескен жобаларды жүзеге асыратын алаңға айналды. Лиганың маңызды жетістіктері ретінде аудиттер, білім беру контентін құру және International Center of Academic Integrity (ICAI) сияқты халықаралық ұйымдарға белсенді қатысуларды атап өтуге болады.

Бүгінгі таңда Жұбанов атындағы Ақтөбе өңірлік университетімен бірлесіп, Лига келесі жылға арналған стратегиялық даму жоспарын дайындауда. Осы жоспар аясында жоспарланған негізгі      іс-шараларға мыналар жатады:

1. Академиялық адалдық мәселелері бойынша халықаралық конференциялар мен семинарлар.

2. Жаңа білім беру бағдарламалары мен курстарын құру және енгізу.

3. Академиялық этика және білім беру процестерін басқару мен талдауда заманауи технологияларды қолдану тақырыптарында дөңгелек үстелдер мен пікірталастар өткізу.

4. Лигаға қатысушы жоғары оқу орындарындағы ағымдағы тәжірибелеріне мониторинг жүргізу және бағалау.

5. Лиганың барлық мүшелеріне қолжетімді болатын Академиялық адалдық бойынша Дашбордты әзірлеу және енгізу.

Сондай-ақ, тәжірибе алмасу аясында Астана медицина университеті мен Қарағанды медицина университеті Академиялық Адалдық бойынша Дашбордты енгізу бойынша өз тәжірибелерімен бөлісуге дайын. Шын мәнінде, бұл мамандардың қатысуынсыз визуалды дисплейде (графика, диаграммалар, бағаларды бөлу қисығы) Power BI негізінде «Платон» ААЖ-да білім алушылар мен ПОҚ бойынша талдамалық есепті алу мүмкіндігі. Бұл құрал білім алушылар контингенті бойынша есептерді; білім алушылардың үлгерімі мен GPA; курстар бойынша білім алушылардың үлгерімі мен GPA; оқытушылар бөлінісінде білім алушылардың үлгерімі, білім сапасы, орташа бағасы; білім алушылар бойынша бағаларды бөлу қисығы (Bell Curve); пәндер бойынша бағаларды бөлу қисығы (Bell Curve); оқытушылар бойынша бағаларды бөлу қисығы (Bell Curve); білім алушылар бойынша Bell Curve-ді (бағалардың барлық түрлері бойынша) тиімді бақылауға және бағалауға мүмкіндік береді.

Есептердің барлық осы түрлері университеттегі академиялық адалдық деңгейін талдауға, бақылауға және бақылауда ұстауға, сондай-ақ оны жақсарту бойынша шаралар әзірлеуге мүмкіндік береді. Осы университеттердің өкілдері осындай жүйелерді енгізуге мүдделі жоғары оқу орындарына кеңес бере алады және әдістемелік ұсыныстармен бөлісе алады.

Академиялық адалдық Лигасына деген қызығушылық артып келеді. Қазірдің өзінде 10-нан астам ЖОО лигаға мүше болуға қызығушылық білдірді. Лигаға қосылу үшін жоғары оқу орындары Жобалық кеңсеге өтініш бере алады, онда оларға барлық қажетті ақпарат пен қолдау көрсетіледі.

Академиялық адалдық лигасына қосылу жоғары оқу орны қызметінің жетілдірілген блоктары бар жаңа стандартына қол жеткізуді, бірлескен жобаларды іске асыруды, білім беру саласындағы әлемдік көшбасшылармен тәжірибе алмасуды және халықаралық бастамаларға қатысуды қоса алғанда бірегей артықшылықтар береді.

Біз Қазақстанның және басқа елдердің барлық жоғары оқу орындарын Академиялық адалдық мәдениетін дамытуға белсенді қатысуға, білім берудің жоғары стандарттарына ұмтылуға және білім беру процесінің сапасын жақсарту үшін бірлесіп жұмыс істеуге шақырамыз.

 

AIL PO Head, АМУ Атқарушы директоры

Нургуль Маханбаева